На ден 30.5.2025 година, четвртоодделенците од нашето училиште ,,Св. Климент Охридски" (вклучувајќи ги и подрачните училишта), беа во посета на Собранието на Република Македонија.
Оваа посета им овозможи на учениците да го видат Законодавниот дом во нашата држава. Имено, да ја разберат тематиката на сето она за кое зборувавме во училишните клупи.
Ден поминат низ историја, раскажување, учење, разгледување.
Ден кој веруваме дека нашите дечиња ќе го паметат. Но, и ден во кој се надеваме дека втемеливме желба за учество во процесите на Собранието, кај многу од нив, бодрејќи ги да се грижат за државата во која живееме.
Низ фотографии ви ги доловуваме моментите кога нашите четвртоодделенци се запознаваа со службата, пратениците, градбата, предметите, салите, минатото и процесите кои секојдневно се дел од оваа важна институција.
За да се реализира посетата на Собранието на РСМ голема благодарност упатуваме до пратеничката Бисера Златеска и директорот Тони Ставрески.
