Денот на училиштето

Објавено на: 09 December 2014

ООУ„Св.Климент Охридски“- Македонски Брод

                                                            Свечено одбележан Денот на училиштето

            По повод Денот на училиштето во нашето училиште беше организирана свечена програма на ден 05.12.2014г.

Активностите по повод Денот на Училиштето започнаа многу порано со организирање на Турнир во мал фудбал за сите ученици од прво до деветто ооделение, со одржување на турнир во мал фудбал организиран од Синдикалните организации и распишување на литературен награден конкурс за сите ученици од нашето училиште по истиот повод.

Свечените активности започнаа во 9 и 30 часот со положување на свежо цвеќе пред споменикот на првиот словенски епископ и наш заштитник Св.Климент Охридски што се наоѓа во дворот на училиштето. Пригодно обраќање имаше директорот на нашето училиште, г-дин Тони Ставрески кој ги истакна активностите и постигнатитте резултати во изминатата учебна година. Житието за првиот словенски епископ Св.Климент го искажаа свештениците Марко Трпески и Саше Костадиноски пред сите ученици и поканети гости кои оваа година за првпат беа вклучени преку проектот од МОН-„Заедничка грижа за правилно насочување на учениците“ .

Во 10 часот започнаа активностите во холот на училиштето  со литературно читање и ликовно творење на тема за Св.Климент на кое учество зедоа ученици од централното училиште , од подрачните училишта како и специјални гости од поканетите училишта: с.Десово-„Пере Тошев“, с.Другово-„Христо Узунов“, с.Коњари-„Страшо Пинџур“

На истата прослава беа доделени пофалници на учениците кои освоиа награди на меѓу училишните натпревари по повеќе предмети. Пофалниците ги додели помошникот директор, г-дин Милисав Димоски. Паралелено со овие активности во спортската сала се играше финалето од турнирот во мал фудбал за ученици помеѓу екипите од 9-1 и 9-2 одделение и на крај победник беше екипата од 9-1 одделение.

Главната свечена приредба наменета за граѓаните се одржа во преполнетата сала во Домот на културата во Македонски Брод со почеток во 17 часот. На истата приредба присуствуваше и градоначалникот на општина Мак. Брод господинот Милосим Војнески. На почетокот свое обраќање имаше директорот на нашето училиште г-дин Тони Ставрески кој ги истакна активностите и резултатите од нашето училиште во досегашниот период. Потоа вредните и полни со енергија ученици ја реализираа свечената програма заедно со своите наставници пред граѓаните. Во почетокот посетителите проследија драмска претстава подготвена од нашата драмска секција во чест на нашиот заштитник Св.Климент а во продолжение следуваа многубројни музички точки. Свечената приредба, на општо задоволство на сите присутни, заврши со песната „Твојте очи лено мори“ во изведба на наставничката Драгана Златеска придружувана со музичари составени од наши вработени, родители и ученици и со тоа нашето училиште се вклопи во реализацијата на проектот од МОН-„Заедничка грижа за правилно насочување на учениците “

 

                                                                                                            Од новинарската секција

Денот на училиштето
Останати новости