Во периодот од 18 до 22.11.2024 год. во нашето училиште присуствуваа наставници колеги од ОУ ,,Градец" од градот Литија, Република Словенија.
Словенските наставници Дамјан Гроблјар и Горазд Шантеј имаа можност да се запознаваат со македонскиот воспитно-образовен систем, функционирањето во нашето ООУ ,,Св.Климент Охридски" и да разменуваат меѓусебно искуства за начинот на воспитување и образување помеѓу македонскиот и словенскиот образовен систем. Исто така, покрај образовните цели тие имаа можност да ја запознаваат Р. Македонија при што ја запознаа нашата општина М. Брод, Прилеп и Охрид. Двајцата наставници не го криеја восхитувањето од нашите наставници, убавата храна и традиција, како и убавините на Р. Македонија. Тие со себе понесоа убави спомени од нас и со надеж повторно да ни дојдат.
Програмата на Ерасмус+ ни го овозможува тоа да се сплотуваат меѓусебните соработки, при што очекуваме следната 2025 год. да аплицираме со заеднички проект.
Благодарност упатуваме за целокупниот тим во училиштето, заедно со директорот Тони Ставрески, наставниците, општината на чело со м-р Жарко Ристески и секако за ко - проектниот координатор кој успеа да ја сплоти оваа соработка- Александар Станкоски и координаторката Полона Реберсек Божиќ, Р. Словенија.
Училиштето и понатака ќе продолжи да го развива патот на учење и да го применува она што е препознаено и научено како позитивен елемент од нашите национални и интернационални училишта.
